भारत की संस्कृति के लिए... भाषा की उन्नति के लिए... साहित्य के प्रसार के लिए
मोम न, पत्थर बनऽ / सतीश मिश्रा
Kavita Kosh से
कपूर के जे हे कदर तुतिया के गाँव में
पायल तूँ बाँध देख लऽ कुतिया के पाँव में
हाथ मत लफार दऽ खोता के फर समझ
डउँघी के पोर-पोर पर बिढ़नी हे दाँव में
सितार के सम्हार तूँ सले-सले सिधार जा
सुनत इहाँ के भैरवी, ई काँव-काँव में
मत कहऽ कि डूब गेल हे सुरुज, चलूँ
बंसी तोरे न बेध दे इ्र चल-चलाँव में
बनऽ परास, तार तूँ, चाहे बनऽ बबूल
चन्नन कहाँ कबूल ई जंगल के छाँव में
जिनगी जिएला मोम न, पत्थर बनऽ ‘सतीश’
दू पहर गुजर चुकल दरकल ढलाँव में।
