भारत की संस्कृति के लिए... भाषा की उन्नति के लिए... साहित्य के प्रसार के लिए
रुबाइयूं / पल पल जो परलाउ / हरि दिलगीर
Kavita Kosh से
1.
फ़रहत सां जहान में जिअणु सिखु, ऐ दिल,
बेफ़िक्र थी खाइणु ऐं पियणु सिखु, ऐ दिल,
मरन्दें तूं अवसि, तोड़े खिलीं या रोईं,
ही चार घड़ियूं मस्तु थियणु सिखु, ऐ दिल।
2.
मैख़ाने जे दरवाजे ते आयल आहियूं,
ऐ साक़ी! असीं सख़्तु उञायल आहियूं,
किनि खे थो ॾिएं एतिरो, जो पी न सघनि,
चौ, छाहे सबबु, असीं उञायल आहियूं?
3.
बरकत खणी, बादलु मथां बरसण आयो,
सागर मां सवनि सिपुनि मथे बाझायो,
हिक-ॿिनि खे ॾई बूंद, ककरु गुज़िरी वयो,
बाक़ी जे, उन्हनि वातु पए मिचिकायो।
4.
बरकत खणी, बादलु मथां बरसण आयो,
सागर मां सवनि सिपुनि मथे वाझायो,
हिक-ॿिनि खे मगर बूंद, नसीबनि में हुई,
जिनि मोती कढी, जहान खे जरकायो।
