सब बिलाड़ हन देश के रक्षक / जयराम दरवेशपुरी

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

जयराम दरवेशपुरी »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

बंदर बन ठन नाच रहल हे
भीड़ हे भारी भालू के
ई धरती पर पूछ हो भइया
सचकोलवन सब गालू को

गाल बजावऽ तुकऽ मिलावऽ
तेरे मुँह मलाय उड़इवा
धैल जमाना चालू के
मिठ मोहना मिसरी बोली
फोर जोर नित
करे ठिठोली
दुर्गति सगरे हे किसान के
पूछला जाके कालू के

उड़न खटोला
कार हे ओकरे
सत्त अउ सरकार हे ओकरे
व्यापारी हे राजनीति के
भजवे मोती बालू के

सड़सठ साल के तोंदू भक्षक
सब बिलाड़ हन देश के रक्षक
असुरता के
राग में नाचे
रूप रचल हलालू के।