भारत की संस्कृति के लिए... भाषा की उन्नति के लिए... साहित्य के प्रसार के लिए
सरणाटो / चैनसिंह शेखावत
Kavita Kosh से
कुरस्यां माथै
बिराज्या सबद
सरणाटा हुवै
ताबूत दीसैला
इण भासावां रा
राजधानियां रै शवदाह घरां में
सबद संस्कारीजै नीं
संस्कार हुवै इणां रा आखरी
कादै भरी गळ्यां रै गळै सूं
जद निसरै
अस्फुट स्वर
धुंधळा माटी रा रंग
आभै रै बारणै
बंध जावै
सबदां री बंदणवार
सजावट सजा हुवै
सबदां खातर
अेक भासा
घिसबा सूं जवान हुवै।
