करल्यो इब पहचान सुणो सब साथी रै
अपणा चुनाव निशान कहैं सैं हाथी रै...टेक
इसमैं कोन्या झूठ नेता सादा भोला स्याणा रै
देकै वोट सपोट बहुत सी चाहिए ऊंचा ठाणा रै
सोच समझ कै इबके हाथी का बटण दबाणा रै
यू करै थारा कल्याण सुणो सब...
खूब करो प्रचार सुणल्यो हल्के के नर नारी रै
जा कै नै समझाइयो अपनी जितनी रिश्तेदारी रै
बहुजन समाज पार्टी देखो लागै कितनी प्यारी रै
इब रहणा नहीं नादान सुणो सब...
जितने मित्र प्यारे सारे सबनैं सलाह बणाणी चाहिए
बहुजन समाज पार्टी इबकै सत्ता के मैं ल्याणी चाहिए
पूरा लाकै जोर इबकै तो सरकार बणाणी चाहिए
इसमैं सै नेता विद्वान सुणो सब...
ऐसा नेता हरियाणा मैं ना टोहे तै पावैगा
पाग्या तै फेर देख लियो वो धोखे दे कै जावैगा
थारे वोटां तै बणै मंत्री ना फेर सकल दिखावैगा
न्यू ए बणती आए पलान सुणो सब...
ऐसा मौका फेर दुबारा आवै कोन्या बोहड़ कै
जुट कै माहौल बणाओ सारे काम और छोड़ कै
पाई वाला सतबीर सिंह भी कहर्या हाथ जोड़ कै
यू करद्यो काम महान सुणो सब...