कांग्रेस नै महंगाई या शिखर म्हं टांग दी / अमर सिंह छाछिया
कांग्रेस नै महंगाई या शिखर म्हं टांग दी।
इबकै खैर गुजरै कोनी या घोटाला भी काड दी।...टेक
इबकै तो देश ए यो बदलता जावै सै।
कांग्रेस का सफाया इबकै होन्दा आवै सै।
जिसनै दिये वोट इनके वो इब पिछतावै सै।
वादा करकै लिए वोट इब आंख दिखावै सै।
इसकी जमानत भी बची नहीं या शिक्षा ऐ ला दी...
पिचासी परसेंट यो समाज जोर इसे म्हं लारा।
जब्त जमानत इस कांग्रेस कै इबकै पसीना आरा।
विरोधी भी फिरै भाजता इस कुर्सी का मारा।
इबकै इलेक्शन म्हं होवै फेसला हार-जीत का थारा।
नरेश सारन की होई जीत कांग्रेस की रान्द ए काट दी...
मायावती नै तो इबकै बिगुल बजा दिया।
हाथी आवै महे नाचदे यो फागण बणा दिया।
जब यो चालै सब कुछ हालै तूफान मचा दिया।
नरेश सारन कै आज्या जी सा यो ऊपर बिठा दिया।
फिर कांग्रेस के लाग्या लोवै इसनै किलकी मार दी...।
मायावती आवै प्रधानमंत्री या सबकै जंचगी।
तनै कांग्रेस बक्शैं कोन्याा तैं हाथी कै फंसगी।
वा हट कै फेर चढ़ै कोन्या जो चढ़ कै पड़गी।
कांग्रेस कै लाग्या बिराग या जिन्दी ए मरगी।
अमरसिंह बड़सी आले नै इनकी चिट्ठी ए पाड़ दी...।
