भारत की संस्कृति के लिए... भाषा की उन्नति के लिए... साहित्य के प्रसार के लिए
कुछ तेॅ बस भगवान लगै छै / नन्दलाल यादव 'सारस्वत'
Kavita Kosh से
कुछ तेॅ बस भगवान लगै छै
बाकी सब जजमान लगै छै।
केकरा सेॅ अपनौती जोड़ौं
अनचिन्हार पहचान लगै छै।
केकरो जान सुरक्षित नै छै
गाँव-शहर शैतान लगै छै।
दीवानोॅ के हाल बुरा छै
चपरासी दीवान लगै छ।
पाप खरीदै लेॅ चाहै छोॅ
सौ पुण्योॅ के दान लगै छै।
सारस्वतोॅ लेॅ कुछ नै भारी
हर गारी वरदान लगै छै।
