कैँधौँ दृग सागर के आस पास स्यामताई / अज्ञात कवि (रीतिकाल)

कैँधौँ दृग सागर के आस पास स्यामताई ,
ताही के ये अँकुर उलहि दुति बाढ़े हैँ ।
कैँधौँ प्रेम क्यारी जुग ताके ये चँहूधा रची ,
नील मनि सरन कौ बारि दुख डाढ़े हैँ ।
मूरति सुकवि तरुनी की बरुनी न होवे ,
मेरे मन आवे ये विचार चित गाढ़े हैँ ।
जेईजे निहारे मन तिनके परिकिबे को ,
देखो इन नैन हजार हाथ काढ़े हैँ ।

रीतिकाल के किन्हीं अज्ञात कवि का यह दुर्लभ छन्द श्री राजुल महरोत्रा के संग्रह से उपलब्ध हुआ है।