भारत की संस्कृति के लिए... भाषा की उन्नति के लिए... साहित्य के प्रसार के लिए
खाली अपने सुर नै तानोॅ / नन्दलाल यादव 'सारस्वत'
Kavita Kosh से
खाली अपने सुर नै तानोॅ
कहिया होतै दिवस सुहानोॅ?
लोग बुझेॅ कि जगलोॅ कोय छै
कुछ गल्लोॅ केॅ हेनोॅ टानोॅ।
केना ई बाजार चलै छै
आलू-बैगन वड़लोॅ-कानोॅ।
लोग प्यास सेॅ मरलोॅ जाय छै
पथरोॅ पर तोंय कुइयाँ खानोॅ।
बिना सुदिन के कुछ नै मिलथौं
कत्तोॅ उछलोॅ, कूदोॅ फानोॅ।
