भारत की संस्कृति के लिए... भाषा की उन्नति के लिए... साहित्य के प्रसार के लिए
गीतावली उत्तरकाण्ड पद 31 से 40 तक/पृष्ठ 5
Kavita Kosh से
(35)
मुनिबर करि छठी कीन्हीं बारहेङ्की रीति |
बन-बसन पहिराइ तापस, तोषि पोषे प्रीति ||
नामकरन सुअन्नप्रासन बेद बाँधी नीति |
समय सब रिषिराज करत समाज साज समीति ||
बाल लालहिं, कहहिं करहैं राज सब जग जीति |
राम-सिय-सुत, गुर-अनुग्रह, उचित, अचल प्रतीति ||
निरखि बाल-बिनोद तुलसी जात बासर बीति |
पिय-चरित-चित-चितेरो लिखत नित हित-भीति ||
