भारत की संस्कृति के लिए... भाषा की उन्नति के लिए... साहित्य के प्रसार के लिए
गीतावली सुन्दरकाण्ड पद 31 से 40 तक/पृष्ठ 6
Kavita Kosh से
(36)
रामहि करत प्रनाम निहारिकै |
उठे उमँगि आनन्द-प्रेम-परिपूरन बिरद बिचारिकै ||
भयो बिदेह बिभीषन उत, इत प्रभु अपनपौ बिसारिकै |
भलीभाँति भावते भरत-ज्यों भेण्ट्यौ भुजा पसारिकै ||
सादर सबहि मिलाइ समाजहि निपट निकट बैठारिकै |
बूझत छेम-कुसल सप्रेम अपनाइ भरोसे भारिकै ||
नाथ! कुसल-कल्यान-सुमङ्गल बिधि सुख सकल सुधारिकै |
देत-लेत जे नाम रावरो, बिनय करत मुख चारिकै ||
जो मूरति सपने न बिलोकत मुनि-महेस मन मारिकै |
तुलसी तेहि हौं लियो अंक भरि, कहत कछू न सँवारिकै ||
