भारत की संस्कृति के लिए... भाषा की उन्नति के लिए... साहित्य के प्रसार के लिए
चपनि ते अथेई हंसी कुझु न कुझु / हरि दिलगीर
Kavita Kosh से
चपनि ते अथेई हंसी कुझु न कुझु,
अड़े! प्यारु मूं सां अथी कुझु न कुझु।
अखियुनि मां ॿ टे लुड़िक टपी पिया,
कई हूंदी कंहिं दिलबरी, कुझु न कुझु।
मुहब्बत जी खेती सुकणु किअं ॾिबी,
अखियुनि में रहे थी नमी, कुझु न कुझु।
अञा वस्ल लइ वाझ वेठो विझां,
अञा आहि दिल में दुई कुझु न कुझु।
हुजनि ग़म, त मेख़ाना ॾे थो वञां,
वञनि जाम में मन ॿुडी कुझु न कुझु।
न आंसुनि, न आहुनि खे समुझी सघीं,
त चवणो पयो ज़ाहिरी कुझु न कुझु।
ज़माने जी गर्दिश में तुंहिंजो खि़यालु,
अंधारे में आ रोशनी कुझु न कुझु।
