जाॻु ऐ फूल-परी, राति वञण वारी आ,
हाइ हीअ सूंहं भरी राति वञण वारी आ।
ॾिसु सितारनि जा नील कमल गगन में था टिड़नि,
सुब्ह सां वेंदा मरी, राति वञण वारी आ।
पिरह जी हीर थी धूंधारे सुतल मुखिड़ियनि खे,
आई सुरहाणि तरी, राति वञण वारी आ।
राति राणी थी हिंअर माक जा ॻोढ़ा ॻाडे,
ॾिसु नज़र नीर भरी, राति वञण वारी आ।
राति हहिड़ी जे हली वेई हथनि मां, वेई,
ईंदी वापसि न वरी, राति वञण वारी आ।
चंड, तारनि ऐं, गुलनि खां बि तूं शरमाईं थी,
ॾिसु न तिनि ॾांहुं चरी! राति वञण वारी आ।
वक्त खे रोकि, मथिसि ॼारो बिझी गीतनि जो,
आ संदसि चाल चरी, राति वञण वारी आ।