भारत की संस्कृति के लिए... भाषा की उन्नति के लिए... साहित्य के प्रसार के लिए
जेकरा जे लत छै, लत छै / नन्दलाल यादव 'सारस्वत'
Kavita Kosh से
जेकरा जे लत छै, लत छै
सबसेॅ पहिलें इज्जत छै।
ओकरोॅ गोड़ सफलता चूमै
जेकरोॅ हाथें मेहनत छै।
जे रं के मँहगाई बढ़लोॅ
जीत्तोॅ रहवोॅ आफत छै।
जेकरा देखोॅ ओकरे सूरत
टेस लहू रं रत-रत छै।
जेकरा खाली मौज सेॅ मतलब
ओकरोॅ जिनगी बेरथ छै।
सारस्वतो के वाणी सचमुच
ज्यों पूजा में अक्षत छै।
