थामी बोलो मिलकै सारे जय कांशीराम / अमर सिंह छाछिया
थामी बोलो मिलकै सारे जय कांशीराम।
तेरा सदा अमर रहै इस भारत म्हं नाम।...टेक
बुरी दशा गरीब की हालत देखी ना जान्दी।
जगह-जगह होवैं कांड इनके या सुणने म्हं आन्दी।
पड़ी लाश रोवै बेचारे ना दया किसे नै आन्दी।
फेर जी कै के करणा सै या तो ठोकर कै आगै आन्दी।
इनका लेओ रमांड जेल के म्हं कर द्यो काम...।
जो डॉ. अम्बेडकर लिखग्या था वा कांशीराम कै जंचगी।
फिरगी लहर यो बदलग्या शहर किलकी देश म्हं पड़गी।
बी.जे.पी. कै सुणदीये एकदम नाग सी लड़गी।
कांग्रेस कै लग्या धक्का वा जिन्दी ए मरगी।
थारा सफाया होवैगा यो दे रुक्के गांम...
कांशीराम के सुणकै भाषण मायावती कै समझ म्हं आगी
जिन्दगी भर देऊं साथ तेरा मैं भी इसे म्हं आगी।
थाम सभी मिलकै करो एकता लहर भी बण कै आगी।
थाम सारे बोट देयो ब.स.पा. के सरकार थारी भी आगी।
यो लीला झंडा हाथी कै बटण का लो नाम...।
डॉ. अम्बेडकर नै हिन्दुस्तान का यो इतिहास भी करा।
संविधान रिजर्व सीट म्हं यो गरीब का हक भी करा।
15 अगस्त 1947 म्हं यो भारत आजाद भी करा।
26 जनवरी 1950 म्हं संविधान लागू भी करा।
अमरसिंह बड़सी का करै प्रचार ले मिशन का नाम...।
