भारत की संस्कृति के लिए... भाषा की उन्नति के लिए... साहित्य के प्रसार के लिए
दीदा धो-धो बइठल लड़का के बाप हे / जयराम दरवेशपुरी
Kavita Kosh से
पानी से दीदा धो-धो
बइठल लड़का के बाप हे
अपने हतन हजारों में न´
बात करऽ हथ लाख में
मिडिल पास करि लड़का
गेलन हाय इसकूल में
अप्पन नाम लिखे न´ आवे
हिप्पी कट के चूल में
फइसन में अइसन कि लउटल
लंदन आउ लदाख से
कल बल छल से कइसूं
करतन मैट्रिक पास
मालुम न´ अपीसर बनतन
कि धुरतन गढ़तन घास
सभे फुटानी इसकुलवे तक
कउलेज के न´ आश हे
चार भाय हल लड़का बाऊ
एक्के के सिरमउर चढ़ल
तीन भाय आगू-पीछू
हल ऊ बहिया बैल बनल
तइयो हंड़िया सोझ के भी न´
रपटा लगल उपास के
लइन में लड़का लगल हलइ
अउ बाप के असमान में
ओकरा ले पइसे सब कुछ हल
पइसे पर भी ध्यान हे
खरीदल मेहरी अपने लइलक
बिझलाही सत्यानाश के
