भारत की संस्कृति के लिए... भाषा की उन्नति के लिए... साहित्य के प्रसार के लिए
पथलो काँही खैलोॅ जाय छै / नन्दलाल यादव 'सारस्वत'
Kavita Kosh से
पथलो काँही खैलोॅ जाय छै
जीत्तोॅ माछ निगललोॅ जाय छै?
पढ़वैया केॅ आँख रहेॅ तेॅ
हवो लहर तक पढ़लोॅ जाय छै।
कोसो कोस ई बालुए बालू
थकलै गोड़ नै चललोॅ जाय छै।
की होतै कल भारत भर के
हिमगिरि रोज पिघललोॅ जाय छै।
आधे रस्ता पार होलोॅ छी
की रं सूरज ढललोॅ जाय छै।
सारस्वतोॅ केॅ की होलोॅ छै
वै सेॅ भी मिललोॅ जाय छै।
