भारत की संस्कृति के लिए... भाषा की उन्नति के लिए... साहित्य के प्रसार के लिए
बकरी / अमरेन्द्र
Kavita Kosh से
उर्र बकरिया आवी जो
में में करी केॅ गावी जो
देह तोरोॅ भोकनोॅ-भोकनोॅ
बाल तोरोॅ चिकनोॅ-चिकनोॅ
लम्बा कान डुलावै छैं
केकरा तोहें बुलावै छैं
आँख कमल रोॅ कोढ़ी रं
सींग माथा पर बोढ़ी रं
सींग केॅ कैन्हें डुलावै छैं
हमरा तोहें डरावै छैं
है नै समझैं कि डरभौ
पीठी पर हम्में चढ़भौ
पूँछ तोरोॅ छौ फुदुर-फुदुर
बकरी, हिन्नें टुघुर-टुघुर ।
