भारत की संस्कृति के लिए... भाषा की उन्नति के लिए... साहित्य के प्रसार के लिए
बरसगाँठि बृषभानु-कुँवरि की / हनुमानप्रसाद पोद्दार
Kavita Kosh से
बरसगाँठि बृषभानु-कुँवारि की कीरति गीत गवाए जू।
चंदन-अगर लिपाइ अरगजा, मोतिन चौक पुराए जू॥
नंदीसुर ते नंद जसोदा सहसुत न्यौति बुलाए जू।
गोपी-गोप, गाय-गोसुत लै चलि बरसाने आए जू॥
तब वृषभान बड़े आदर सौं निज मंदिर पधराए जू।
भीतर भवन जसोदा-कीरति मिलत परम सुख पाए जू॥
जसुमति-कनिया तैं लालन लै कीरति गोद खिलाए जू।
ब्रजरानी लइ कुँवारि गोद ब्रजनारिन मंगल गाए जू॥
