बहुजन समाज पार्टी का जब राज आवैगा / अमर सिंह छाछिया

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

अमर सिंह छाछिया »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

बहुजन समाज पार्टी का जब राज आवैगा।
भारत देश आपणे का नक्शा बदल जावैगा।...टेक

कोऐ किसे के गुलाम नहीं सब एक सार हो जांगे।
मजदूर-किसान ये रह रे पीछै ये भी आगै आ जांगे।
बरोजगारों को मिलै नौकरी ये सारे लागैंगे।
कदे सुणाई होई नहीं वो भी भर्ती म्हं जा लेंगे।
सबका होवै ईलाज फ्री म्हं इसा वैद्य पा जावैगा।

लुच्चे गुंडे बदमाश का नाश हो जागा।
काले धन पै लागै छापा वो जमा हो जागा।
जितणे लुट-लुटेरे सैं उनका भी चलाण हो जागा।
रिश्वत खोरी ना चालै चोरी वो भी बन्द हो जागा।
अत्याचार जुल्म का करणियाँ सीधा जेल म्हं जावैगा...

इतणा धन इनकै यो कित तै आया सै।
खून-पसीने की थारी कमाई यो इन नै खाया सै।
कोठी बिल्डिंग पड़ी ईंट यो इबे बणाया सै।
दो नम्बर का धन्धा इन नै यो गुप्त चलाया सै।
इनकी जमानत भी ना होगी एक दिन वो भी आवैगा...

बेइमाना का जड़ा मूल तै खात्मा हो जागा।
सच्चा हो इंसाफ उठै दूध-पाणी छण जागा।
कांशीराम आये तो सुधार थारा भी बण जागा।
मजदूर-किसान का भी पेटा भर जागा।
अमरसिंह यो बड़सी का भी नाम पा जागा...