भारत की संस्कृति के लिए... भाषा की उन्नति के लिए... साहित्य के प्रसार के लिए
भीजत रीझत दोऊ आवत / हनुमानप्रसाद पोद्दार
Kavita Kosh से
हिन्दी शब्दों के अर्थ उपलब्ध हैं। शब्द पर डबल क्लिक करें। अन्य शब्दों पर कार्य जारी है।
भीजत रीझत दोऊ आवत।
रंग हिंडोरै झूलि मुदित मन सखियन मन सरसावत॥
उमगि-उमगि घन घनन-घनन धुनि गरजत भय उपजावत।
चपला चमकि-चमकि छिन-छिनमें घटा-छटा छहरावत॥
नाचत मोर मदन-मदमाते आनँद रस बरसावत।
प्रेमरसग्य पपीहा पी-पी धुनि करि मोद बढ़ावत॥
कदम-छाँह ठाढ़े भए दोऊ अंग-अंगनि लपटावत।
प्रिया-देह ढाँपी निज कामरि नेह ते मेह बचावत॥
