भारत की संस्कृति के लिए... भाषा की उन्नति के लिए... साहित्य के प्रसार के लिए
रामप्रेम ही सार है / तुलसीदास/ पृष्ठ 10
Kavita Kosh से
रामप्रेम ही सार है-10
(55)
जप, जोग ,बिराग, महामख-साधन, दान, दया, दम कोटि करै।
मुनि-सिद्ध, सुरेसु, गनेसु, महेसु-से सेवत जन्म अनेक मरै।।
निगमागम-ग्यान, पुरान पढ़ै, तपसानल में जुगपुंज जरै।
मनसों पनु रोपि कहै तुलसी, रघुनाथ बिना दुख कौन हरै।।
(56)
पातक-पीन , कुदारिद-दीन मलीन धरैं कथरी-करवा है।
लोकु कहै , बिधिहूँ न लिख्यो सपनेहुँ नहीं अपने बर बाहैं ।।
रामको किंकरू सो तुलसी, समुझेहि भलो, कहिबो न रवा है।
ऐसेको ऐसो भयो कबहूँ न भजे बिनु बानरके चरवाहै।।
