भारत की संस्कृति के लिए... भाषा की उन्नति के लिए... साहित्य के प्रसार के लिए
लिफाफा के टुकड़ा / विजेता मुद्गलपुरी
Kavita Kosh से
लिफाफा के टुकड़ा
ओकरा पर लगल डाक टिकट
ऊप्पर से डाक घर के मोहर
ऐसन लागै छै
महापुरुष के चेहरा पर कालिख पुतल सन!
लिफाफा के टुकड़ा
सड़क पर
जेकरा मेहतरानी
झाडू़ से झाड़ै छै
ओकरा की पता छै
कि ऊ महापुरुष के झाड़ू मारै छै!
लिफाफा के टुकड़ा
कोनो कार्यालय में
कूड़ादान सह पीकदान में
जहाँ आम आरो खास आदमी थूकै छै
ओकरा की पता छै
कि ऊ कोनो महापुरुष पर थूकै छै!
सरकार
टिकट चलाबै छै
महापुरुष के सम्मान में
उनका की पता छै
फेकल लिफाफा के टुकड़ा पर
महापुरुष के सम्मान केन्ना होय छै
