भारत की संस्कृति के लिए... भाषा की उन्नति के लिए... साहित्य के प्रसार के लिए
वणे थी अञा ज़िन्दगी कुझु न कुझु / हरि दिलगीर
Kavita Kosh से
वणे थी अञा ज़िन्दगी कुझु न कुझु,
ज़माने में आ दिलकशी कुझु न कुझु।
बिर्हायूं जे पंहिंजी ख़ुशी कुझु न कुझु,
त बेशक सा वेंदी वधी कुझु न कुझु।
को साईं, को साथी, सॼणु को अथमि,
मिड़नि सां अथमि दोस्ती कुझु न कुझु।
सरासर बुरो को त थियणो न आहि,
मंझिसि बाति हूंदी चङी कुझु न कुझु।
ॿुधणु जे घुरनि था, से ॿुधंदा ज़रूर,
करे बाति थी ख़ामोशी कुझु न कुझु।
ॾई साज़-ए-दिल, गीतु चाहियुइ ॿुधणु,
त करिणी पई शाइरी, कुझु न कुझु।
जॾहिं नांहि ”दिलगीर“ सां दिलरुबा,
त हर चीज़ में आ कमी कुझु न कुझु।
