भारत की संस्कृति के लिए... भाषा की उन्नति के लिए... साहित्य के प्रसार के लिए
शरशय्या / तेसर सर्ग / भाग 9 / बुद्धिधारी सिंह 'रमाकर'
Kavita Kosh से
जे जन केवल अपने नीक।
सोचथि, अन्ध तनिक मति थीक।।37।।
ऐश्वयक अछि एके काज।
कारए प्रफुल्लित सुजन समाज।।38।।
छत्र चामरक कएलहुँ त्याग।
आएल हमरा जे न अभाग।।39।।
टटके देखू कुलदृष्टान्त।
महामोह थिक लोभ अशान्त।।40।।
आबहुँ भारत छोड़ए लोभ।
नहि तँ पाओत पद पद क्षोभ।।41।।
भाए भएमे कएलहुँ मारि।
ते पछताबी मनके मारि।।42।।
रहितए जँ ओ सम्पति शेष।
भाग्य केहन कहु तखन विशेष।।43।।
व्यर्थक झगड़ा क्षणिकक हेतु।
बान्हए टूटए पलमे सेतु।।44।।
