भारत की संस्कृति के लिए... भाषा की उन्नति के लिए... साहित्य के प्रसार के लिए
शोर मस्तनि में प्यो, शराब, शराब / हरि दिलगीर
Kavita Kosh से
शोर मस्तनि में प्यो, शराब, शराब,
खै़रु खटु, ॾे अची शिताब शराब।
छो करीं वेही इंतिख़ाब-ए-शराब?
हर शराबु आहे लाजवाब शराब।
नाउं जेॾो थी, ओॾो ॾे साक़ी,
हुब्ब सां ॾींमि बेहिसाब शराब।
ॾिसु न मूं ॾांहुं, पंहिंजे शान खे ॾिसु,
ॾींमि हर हर भरे जनाब, शराब।
मइ विर्हाइण सां पाण वधंदी आहि,
कोन ठहनि था गॾु हिसाब, शराब।
ॾींमि कशकोल में, जे जामु न आहि,
नाहि कंहिं हाल में ख़राब शराब।
छो न टारियुनि ते रूम झूम नचनि,
पी छॾियो आहि हर गुलाब शराब।
मूं लइ सभु मौसमूं पियण वारियूं,
साणु मूं सां सदा शबाब, शराब।
