सचु मरी वियो (कविता) / मुकेश तिलोकाणी

सचु मरी वियो।
कूॾु,
घर जी चांउठि ते भी
सुॾिका भरे
रोई रहियो आहे।
पंचायती माण्हुनि जूं अखियूं
कूड़ खे
ॾिसी रहियूं आहिनि
को बि
हमदर्दी ॾियण लाइ
त्यार नाहे।
कुझु वक़्त में
सचु चिखिया ते चढ़ंदो।
कूडु पंहिंजनि हथनि सां
सच जो
अग्निी संस्कार कंदो।
कूडु हथ जोड़ींदो
माफ़ी वठंदो
पोइ धीरे, धीरे
मेड़ मां खिसकी वेंदो
केरु, कुझु बि न चवंदो
सिर्फ, आहूं भरींदो।