भारत की संस्कृति के लिए... भाषा की उन्नति के लिए... साहित्य के प्रसार के लिए
सै सात साल की यारी रै / विरेन सांवङिया
Kavita Kosh से
सै सात साल की यारी रै
मनै डिग्री बरगा प्यार तेरा
मै रांझा बणकै जी लूगां
कर जिंदगी भर इंतजार तेरा
सै खेत क्यार का काम मेरा
मै उलझा रहूँ जमीदारे म्ह
तू तारे गिण गिण थक जा सै
मेरी देखै बाट चुबारे म्ह
ना रात रात भर जाग्या कर
नू करकै नै इंतजार मेरा
ना मै कृष्ण काला रै
ना राधा तू बरसाणे की
ना बात बात पै रुशया कर
मनै फुर्सत नहीं मणाणे की
मै तेरा हूँ बस तेरा हूँ
तू कर तो सही एतबार मेरा
धनपत सिंह रै लिखै रागनी
देशी beat हो गाणे की
मैं बण जाऊँ रै चमन तेरा
तू लिलो बण हरियाणे की
जै कहै दे तो मै बणवा दूं
रै नौटंकी सा हार तेरा
चांद तारे रै ल्या दूंगा मै
इसे झूठे वादे ना करता
पर तेरे खातर मर जाऊं
मन्नै तेरे बिन भी ना सरता
तू मिल जाईए चाहे ना मिलीए
पर सै यो सच्चा प्यार मेरा
