भारत की संस्कृति के लिए... भाषा की उन्नति के लिए... साहित्य के प्रसार के लिए
हेलै के हठ कैने छै ई जब / विजेता मुद्गलपुरी
Kavita Kosh से
हेलै के हठ कैने छै ई जब सावन में गाँग भरल छै
केकरा-केकरा की समझै भोजब कुइयें में भाँग भरल छै
सबके अप्पन-अप्पन हस्ती कद से कुतुबमिनार लगै छै
कँटरेंगनी में भी गम-गम, गम-गम गमकै के स्वांग भरल छै
जर्जर बूढ़ा बनल तंत्र ई बैठल खों-खों खोखि रहल छै
लेकिन हुकुम चलावै ल खटिया के नीचे डाँग भरल छै
साँझे होय छै हथपकरी और बरके भोर तलाक परै छै
मन के ई उन्माद छिकै जे खेल-खेल में मांग भरल छै
सबके हँसते देख विजेता फेरो अष्ठावक्र हँसै छै
अंग भंग थोड़े सन जग में अक्कील के विक्लांग भरल छै
