"जैसी कछु कीन्ही द्विज-देव की बिनै के बस / शृंगार-लतिका / द्विज" के अवतरणों में अंतर

कलाधर घनाक्षरी
(भारती विनय-वर्णन)

जैसी कछु कीन्ही द्विज-देव की बिनै के बस, कीन्ही अब सोई ’द्विजदेव’ चित-चाँहे तैं ।
मोहि तौ भरोसौ नाहिं आपनी कुबुद्धि लखि, निबिहै हमारी अब तेरेई निबाहे तैं ।
कीन्हैं कंठ भूषन बिदूषन पैं दीन्हैं कर, पग-पग पूरैं धुनि अमित उँमाहे तैं ॥
तजि कमलासनै, जु आई हौं हुलासनै, तौ चित-कमलासनै न भूषौ देबि काहे तैं ॥५४॥