"कलम बोलऽ हई / जयराम दरवेशपुरी" के अवतरणों में अंतर

मन जब दोलऽ हइ
सत पथ पर राही के
कलम बोलऽ हइ
अप्पन सिपाही के

सूतल सिपाही के
कलम जब जगावऽ हइ
मातल हिरदा में
टीस जब सुलगावऽ हइ
गीत लिखा हे धधकल युग हाही के

रह-रह मड़रा हइ कइसन करिया बादर
हइ अउकात केकरा
तोर करइ निरादर
सच्चाई आव दे
देखलूं हे तानाशाही के

मीठ जहर फइलइले
बिखधर के पोवा हे
नीचे में स्वारथ
ऊपर आन्ही बिंछोवा हे
चीन्ह ला मिठ मोहनी
असल जरलाही के
कलम साधक के
जब-जब चेतऽ हइ
दिव्य ज्ञान किरिन अन्हार के मेटऽ हइ
समय चूमऽ हइ
अइसन परछाही के।