भारत की संस्कृति के लिए... भाषा की उन्नति के लिए... साहित्य के प्रसार के लिए
"अंग-अंग पर अनंग के राज / जयराम दरवेशपुरी" के अवतरणों में अंतर
Kavita Kosh से
('{KKGlobal}} {{KKRachna |रचनाकार=जयराम दरवेशपुरी |अनुवादक= |संग्रह...' के साथ नया पृष्ठ बनाया) |
|||
पंक्ति 1: | पंक्ति 1: | ||
− | {KKGlobal}} | + | {{KKGlobal}} |
{{KKRachna | {{KKRachna | ||
|रचनाकार=जयराम दरवेशपुरी | |रचनाकार=जयराम दरवेशपुरी |
14:52, 9 जून 2019 के समय का अवतरण
हउले-हउले हावा गुनगुना हइ फाग राग रे
सुख के सौगात लेले अइलइ रितुराज रे
पंचम सुर में तितली गावे हरियर चुह-चुह बाग में
मदमातल भौरन बइठल हे फूलल फूल पराग में
उतरल बगिया में बहुरंगी इंद्रधनुष साज रे
सूआपंखी चुनरी पेन्हली धरती बनल बिहउती
आम महुइया लथरल-लथरल अनमन जस परसउती
भोर किरिनियाँ हुलसल हुलकत अँखिया भरल बिहाग रे
लदबुद रहरी खंधा नाचे तीसी आउ मसुरिया
बूंट केरइया गदरइलइ गन लटकल लाम छिमरिया
रसे-रसे रस के फुहार बरस रहल हे आज रे
पीऊ-पीऊ पपिहा के रसगर नीक लगऽ हे बोलिया
परदेसी साजन के जइसे लगइ नीक ठिठोलिया
बेसुध तन के अंग-अंग पर जस अनंग के राज रे