"रूंख / शिवराज भारतीय" के अवतरणों में अंतर

हरया-भरया मतवाळा रूंख
मनभावणियां प्यारा रूंख।

सगळां रै मनड़ै नै भावै
टाबर ऊछळ-कूद मचावै
फळ-मेवां रो बुगचो रूंख
मनभावणियां प्यारा रूंख।

उमड़-घुमड़ नै बादळ आवै
बिरखा नै ऐ तुरंत बुलावै
पंछी रो हेताळू रूंख।

सावण में ऐ जबरा झूमै
मचळ-मचळ आभै नै चूमै
हरखै अर हरखावै रूंख
मनभावणियां प्यारा रूंख।

बाग-बनां अर खेती बाड़ी
गांव-गळी री सोभा रूंख
म्हां सगळां रा जीवण साथी
मनभावणियां प्यारा रूंख।