"गुलोॅ के गुल खिलाना आबी गेलोॅ छै / सियाराम प्रहरी" के अवतरणों में अंतर

गुलोॅ के गुल खिलाना आबी गेलोॅ छै
चमन के चहचहाना आबी गेलोॅ छै

बचाय केॅ के-के अपनोॅ माथ चलतै
उनका पत्थर चलाना आबी गेलोॅ छै

हय त बस तिरछी नजरोॅ के असर छै
नजरोॅ में बसाना आबी गेलोॅ छै

है अंगड़ाई बहुत कुछ कहि रहल छै
समय केहनोॅ सुहाना आबी गेलोॅ छै

अगर डर छै त बस हय बात के छै
हवा के घर जलाना आबी गेलोॅ छै

उनका दीपक जलाना आबी गेलोॅ छै
त हमरोॅ पर जलाना आबी गेलोॅ छै।