"भांढ़-भांढ़िन / धनन्जय मिश्र" के अवतरणों में अंतर

ऐलोॅ छै फेरू एंगना में
सुन्दर एक्टा लाल
हेकरोॅ खुशी में उड़ै लागलै
चारो ओर गुलाल।

देखी केॅ सुन्दर मुखड़ा
होलै सभ्भे निहाल
ऐंगना में जब घुड़की-घुड़की
खेलै लागलै लाल।

नूनू केॅ किलकारी सूनी
हर्षित होलै प्राण
जेनोॅ चढ़लै सोन चिरैया
फुदकी तुरत मचान।

भाँढ़-भाँढ़िन नाच करै छै
गावी मंगल गीत
कत्तेॅ दिनॉे केॅ बादे बाजै
ऐंगना में संगीत

भाँढ़-भाँढ़िन केॅ गीत सुनि केॅ
ऐलै टोला भर केॅ लोग
सभ्भे मिली केॅ नाच करै छै
सुन्दर सुखद संयोग।