"आज रुठल तूं आउ / हरि दिलगीर" के अवतरणों में अंतर

आज रुठल तूं आउ,
भाउ, वरी थीउ भाउ ... अचु त करियूं परिचाउ।
तूं बि अकेलो थो रहीं,
मां बि अकेलो, भाउ ... अचु त करियूं परिचाउ।
वटिबो कुझु बि न वेर मां,
सिक जो वठिजे साउ ... अचु त करियूं परिचाउ।
कोन अॻे अहिड़ो हुएं,
दुश्मन मारियो दाउ ... अचु त करियूं परिचाउ।
तुंहिंजी कंडनि पोख मां,
तो खे पिण ईज़ाउ ... अचु त करियूं परिचाउ।
ॾोहु मतां मुंहिंजो हुजे,
माफ़ मू खे करि भाउ ... अचु त करियूं परिचाउ।
मां ई नन्ढिड़ो, तू वॾो,
करि को नेठि निभाउ ... अचु त करियूं परिचाउ।
ॿिनि खे ॿारहं था चऊं,
हिकिड़ो हिक्कु सिटाउ ... अचु त करियूं परिचाउ।
कोन सुभां शायद हुजूं,
जीवन खे न जटाउ ... अचु त करियूं परिचाउ।
तरिसे वीर न वक़्त जी,
पोइ कबो पछुताउ ... अचु त करियूं परिचाउ।