"चिॿिरो / हरि दिलगीर" के अवतरणों में अंतर

ही ऊदंहि जा साथी चिॿिरा,
हिकु जनमु अॻे माण्हू हूंदा।

हर चिॿिरो ऊंदहि भांए थो,
जिअं राति थिए, तिअं उडं/दो आ,
जिअं ॾींहुं ॾई थो ॾेखारे,
कंहिं वण जे थुड़ में लिकंदो आ,
कंहिं ख़ाल वॾे में छुपंदो आ,
ऊंदहि सां हिकु थी वेंदो आ।

इन्सानु बि अॼु कल्ह आहि इएं,
शक घॿराहट जी ऊंदहि में,
हिक चिॿरे वांगुरु उडं/दो आ,
जिति प्यारु, सचाई ऐं आशा,
जिति आतम ज्ञान संदी भाषा,
जिति जलवो पाणु पसाए थो,
इन्सानु उते घॿराए थो,
ऊंदहि जे आर में लिकंदो आ,
ऊंदहि सां हिकु थी वेंदो आ।

जो दिल जी ऊंदहि में मरंदो,
पक ई पक चिॿिरो थी ॼमंदो।