"मुंहिंजो दुश्मन गुज़ारे वियो / हरि दिलगीर" के अवतरणों में अंतर

मुंहिंजो दुश्मन गुज़ारे वियो,
आहि काईअ ते लेटियो पियो,
पीलो चेहरो, अखियूं ॿेई बूटियल अथसि,
हू बि मूं जां भॻतु ऐं ठॻतु ई त हो,
मूं खे उसिरणु हू ॾींदो न हो,
हू गुज़ारे वियो, बस चङो ई थियो,
कुझ मथे सूरु घटि थी पियो,
मेॾु माण्हुनि जो आहे मिड़ियो,
केतिरो नेक हो!
(नेक हरको मरण बाद आ)
खेसि खणन्दा हींअर, वेंदा शमशान ॾे...

ओचितो, ओचितो,
ॿार हुन जा थो रुअंदा ॾिसां,
तिनि जा सुॾिका ॿुधां आउं थो,
लुड़िक नेणनि में तिनि जे ॾिसां आउं थो,
मुंहिंजे सिर में थो चक्करु अचे,
ऐं ज़मीं खे थो फिरन्दो ॾिसां,
मुंहिंजी दिल खे थो झटिको अचे,
मुंहिंजा गोॾा झुकी था पवनि,
पाण खे थो कफ़न ॾांहुं किरन्दो ॾिसां,
ऐं चुमां थो संदसि पेर आउं।