"पोढ़ो? / हरि दिलगीर" के अवतरणों में अंतर

पोढ़ो?
पोढ़ो हूंदें तूं ई पाण!
आउं त आहियां सदा जवान।
अमिरि वधण सां,
माण्हू पोढ़ो कोन थो थिए;
कंहिं खे जोभन में पिणि पीरी,
कंहिं खे पीरीअ में भी जोभनु;
मां हिन जीवन-फुलवाड़ीअ खे,
पोपट वांगुर प्यार करियां थो,
सूंहं ॾिसां थो;
रसु बि चखियां थो,
लेकिन अटिकी कोन बिहां थो।
अटिकणु ऐबु ॿुढापे जो आ।

आउं समे सां क़दमु मिलाए,
तकिड़ो-तकिड़ो हलंदो आहियां,
ऐं खांउसि अॻु कढंदो आहियां।
पोढ़ो हूंदें तूं ई पाण,
आउं त आहियां सदा जवान!