"हरिणी / हरि दिलगीर" के अवतरणों में अंतर

मां हिक बांदीअ हरिणीअ वांगुरु,
नोडु़ समे जो आहि ॻिचीअ में,
नोडु़ किलीअ में क़ाबू आहे,
क़िस्मत जी सा आहि किली।

भलि त करियां केॾी भी कोशिश,
कोन छुटी मां हुन मां सधन्दुसि।

आउं रसे जी डेघि मुवाफ़िक़,
फिरां घिरां चौधारि किलीअ जे,
नाचु नचां या छालूं मारियां,
दुख या सुख खे गले लॻायां,
लेकिन मुक़रर गोल अंदर।

पर कंहिं ॾींहुं, रसो भी टुटंदो,
या त किली ई उखिड़ी वेंदी,
ऐं आखि़र,
कंहिं ॾींहुं थी वेंदुसि आज़ाद।
कंहिं ॾींहुं थी वेंदुसि आज़ाद।