"मौत / हरि दिलगीर" के अवतरणों में अंतर

रात ईंदी, ज़रूर अचिणी आ,
कंहिंजे रोकण सा भी न रुकिणी आ,
वक्त ते रात खे अचणु बि खपे।
रात जी गोदि में सुम्ही पवंदुसि,
दूर थींदियूं थकावटूं सारियूं,
रात खां पोइ सुबह ईंदो आहि,
अध छॾियल कम उथी कंदुसि पूरा,
रात ईंदी त का बि कसु नाहे।

मौतु ईंदो, ज़रूर अचिणो आ,
कंहिंजे रूकण सां भी न रुकिणो आ,
वक्त ते मौत खे अचणु बि खपे।
मौत जी गोदि में सुम्ही पवंदुसि,
दूर थींदियूं थकावटूं सारियूं,
धुन्धु नेणनि मां दूर थी वेंदो,
ऐं नईं रोशनी मिली वेंदी।
मौतु जीवन जी हिक ॻुझारत आ,
वक्त ते जा असीं सलींदासीं।

मौत खां पोइ ज़िन्दगी आहे,
जिस्म झूनो छॾे, नओं वठिबो,
मौतु ईंदो, त का बि कसु नाहे।