"ॿोझो / हरि दिलगीर" के अवतरणों में अंतर

ॼमण बेल ई मूं ते जॻ में,
हिकिड़ो भारी बारु रखियो वियो,
ऐं सो भारी बारु खणी मां,
जॻ में धुमंदो फिरंदो आहियां।
भारी बारु ‘नांअ’ जो मूं ते,
बारु इहो मूं ते ई नाहे,
हर इन्सान मथां सो आहे,
हर इन्सानु खणी सो ॿोझो,
जॻ में घुमंदो फिरंदो आहे।
जेको भी कमु आउं करियां थो,
अव्वल इहो ई सोचु करियां थो,
हिन मां मुंहिंजो नालो थींदो,
या मुंहिंजो नालो बद थींदो,
अहिड़ी कहिड़ी कारि करियां मां,
जंहिं मां मुंहिंजो नालो निकिरे।

हिन नाले जे ॿोझे हेठां,
आहि दॿियलु मुंहिंजो नजु रूप।
काश इहो नाले जो ॿोझो,
दूर सघां मां उछिलाए।
पोइ मूं खे कल पइजी वेंदी,
मुंहिंजो रूपु सचो छा आहे?
ऐं मां आहियां केरु।