"तब्दील / हरि दिलगीर" के अवतरणों में अंतर

ऐश ऐं इश्क कया आहिनि मूं,
केतिरा गीत रचिया आहिनि मूं,
केतिरा चिट चिटिया आहिनि मूं,
आसमान ते घुमियो आहे मूं,
चंड तारनि खे चुमियो आहे मूं,
भौंरु थी आहि मूं हर बाग़ु घुमियो,
खू़ब गुल-गुल खे चुमियो चूसियो थमि,
जाम ते जामु लुटियो आहे मूं,
मस्तु मधुरा जे तलाबनि में दुॿियो आहे मूं।

पर हिंअर रंगु बदिलजी वियो आ,
गीत गुल, चित्र वणनि कोन मूंखे,
चंड तारनि में न को चाहु रहियो।

हाणि हिक कुंड अकेली घुरिजेमि,
सिर्फ़ हिक कुंड अकेली घुरिजेमि,
ऐं इहो रंगु तडहिं खां बदिलियो,
मूं ॾिठो तो खे जॾहिं खां आहे।