"ॿ साहेड़ियूं / हरि दिलगीर" के अवतरणों में अंतर

मूं खे ॿ साहेड़ियूं आहिनि,
हिक सां मां राति-ॾींहं,
उथंदो, विहंदो, खाईंदो, पीअंदो,
ऐं गॾु गुज़ारींदो आहियां।

ॿी सिर्फ़ ड्राइंग रूम जी नुमाइश लाइ आहे,
उते दोस्तनि सां संदसि वाक़्फ़ियत कराईंदो आहियां,
ऐं हूअ मुरिकी मिलंदी आहे सभिनि सां।

पहिरीं साहेड़ीअ खे परदे पुठियां रखंदो आहियां,
छो जो हूअ अहिड़ी नाहे,
जो कंहिं अॻियां खेसि पेश करे सघां।
हूअ आहे मुंहिंजी असलियत-
बुछिड़ी ऐं बेढंगी।

ऐं हीअ आहे मुंहिंजी नक़ली सूरत,
सुन्दर ऐं सभ्य।