"विरह काल में / कस्तूरी झा 'कोकिल'" के अवतरणों में अंतर

बूढ़़ा बूढ़ी भाग्यवान वू
जिनखा नित सम्मान छै
बच्चा बुतरूँ मन बहलाबै
मुख में सीता राम छै।
एकाकी जीवन काटै में
हुनखा बहुत आराम छै।
पुत्रवधु जिनखा सेवा में
सुबह, दूपहर, साम छै।
जिनखॅ बेटा श्रवण कुमार छै,
वू ते भाग्य सिकन्दर छै।
रात-दिन सेवा में लगालॅ
सुख रोॅ खान-समुनदर छै।
बाँकी केॅ कुछ हाल न पूछॅ,
जीना मरना एक समान।
खाना पीना भाग्य भरोसे
जल्दी लेॅ जा हे भगवान।

24/12/15 अपराहन 3.15 गुरूवार