भारत की संस्कृति के लिए... भाषा की उन्नति के लिए... साहित्य के प्रसार के लिए
"सावन सूतल भागल भादो / कमला प्रसाद मिश्र 'विप्र'" के अवतरणों में अंतर
Kavita Kosh से
Lalit Kumar (चर्चा | योगदान) ('{{KKGlobal}} {{KKRachna |रचनाकार=कमला प्रसाद मिश्र ‘विप्र’ |अनुवा...' के साथ नया पन्ना बनाया) |
Sharda suman (चर्चा | योगदान) छो (Sharda suman ने सावन सूतल भागल भादो / कमला प्रसाद मिश्र ‘विप्र’ पृष्ठ [[सावन सूतल भागल भादो / कमला प्रसाद...) |
(कोई अंतर नहीं)
|
14:09, 17 फ़रवरी 2018 के समय का अवतरण
सावन सूतल भागल भादो
शरद शुभ आइल हे!
बुलुकि-बुलुकि रोइ के बदरा चुपाइल,
नदी-ताल-तलइयन के ओठा झुराइल।
झँखत झिंगुरवा कोना अँतरा लुकाइल,
कास बुढ़ाइल हे, घरद शुभ आइल हे!
उगल अगस्त आ आकाश अगराइल,
उतरलि खँड़लिच, मोरवा लुकाइल।
चिहुकि चकइया चितवे, चकवा चिहाइल,
चान मुसकाइल हे, शरद शुभ आइल हे।
राह आ घाट छेंकल, छोड़लस पानी,
लेति बा हिलोर जल में पुरइनि रानी।
अंग-अंग मातल रस में झुमति बा जवानी,
कमल फुलाइल हे, शरद शुभ आइल हे।
खटे में ना खेतिहर कइले बाड़े खोटी,
धानवाँ पहिरि झुमे धानी रंग धोती
घसियन का पतइन पर झुले लागल मोती,
सरग सिहाइल हे, शरद शुभ आइल हे।