"परिवार नियोजन / मथुरा प्रसाद 'नवीन'" के अवतरणों में अंतर

जहाँ फसल के कमाय जमा हो
ऊ महल केतना चमचमा हो
महल में रहै बाला
कहऽ हो कि कुल हमरे है
खलिहान में हलै
तब किसान के,
महल में आबऽ हइ
तब सब
महल के पेट में समाबऽ हइ
ला करो ने लापरबाही,
तब तो आ गेलो ई तबाही
नै तोरा अफसर
नै तोरा सिपाही
तब की करबा
हँसोतो ने ओकरे तरवा
जे तर से बकोटऽ हो
उहे तोरा
ऊपर से पोटऽ हो
कहऽ हो थम,
आदमी जादे
उपजा कम
नै मिलतो भर पेट भोजन
इहे से
धुन के सगरे परिवार नियोजन
करनी जब ढुंढ़बा
तब अपरेशन करा लेलको
बुतरू अर बुढ़