"बेटी के सोहर / सतीश मिश्रा" के अवतरणों में अंतर

मट्टिया के ढेला निअन चान चननिया के बिना जइसे हे
गुइयाँ ओइसे बिना धीया सूनसान अँगनवाँ बीरान लगे हे।

बड़-बड़ भाग धीआ जनमे त कीआ-चूड़ी खनकऽ हे हे
गुइयाँ लछमी जी ले हथ अवतार करम तब चमकऽ हे हे।

झाँसी के रानी लछमीबाई,इन्दौर के अहिल्या बाई हे
गुइयाँ पार्वती, गौरी, देवी दुर्गा के धीआ में निवास हो हे हे।

धीया-पूता जब बोलल जाए त धीया पहिले बोलल जाए हे
गुइयाँ उहे देवता करथ बिहार कि धीया जहाँ आदर पावे हे।

पित्तर के थरिया बजावहू पितर के बतावहू हे
गुइयाँ धनधन भाग धीया जनमल, सोहर गावहू हे।