भारत की संस्कृति के लिए... भाषा की उन्नति के लिए... साहित्य के प्रसार के लिए
बा आवै / रामस्वरूप किसान
Kavita Kosh से
Sharda suman (चर्चा | योगदान) द्वारा परिवर्तित 14:06, 17 अक्टूबर 2013 का अवतरण
फसल पाकगी
खळा कढ़ग्या
रिंद रोही
तावड़ै री झळ
खाली खेतां में
भतूळियां रौ नाच
इसै में
बा तपे
लूण्योडै़ खेतां नै लूणै
थोथी बालां में दाणां सोधै
खळां री रेत निवारै
खेतां री जूंठ पर
टाबर पाळै
इण सारू ई रोजीना
पारकै खेतां री डोळी पर
डैरो लागै/माटी रै ठीयां पर
चा उकळै
इणी डोळी पर बैठ
घड़ी भर सुस्तावै
छाती रै चैप - टाबर नै चुघांवै
देखौ,
बा आवै-बा आवै।
