भारत की संस्कृति के लिए... भाषा की उन्नति के लिए... साहित्य के प्रसार के लिए
नामविश्वास / तुलसीदास/ पृष्ठ 2
Kavita Kosh से
Dr. ashok shukla (चर्चा | योगदान) द्वारा परिवर्तित 10:14, 8 मई 2011 का अवतरण
नामविश्वास-2
(67)
ऊँचो मनु, ऊँचो रूचि, भागु नीचो निपट है।
लोकरीति -लायक न , लंगर लबारू है।
स्वारथु अगमु परमारथकी कहा चली,
पेटकीं कठिन जगु जीवको जवारू है।।
चाकरी न आकरी , न खेती, न बनिज-भीख,
जानत न कूर कछु किसब कबारू है।
तुलसी की बाजी राखी रामहींके नाम , नतु ,
भेंट पितरन को न मूड़हू में बारू है।।
(68)
अपत -उतार , अपकारको अगारू ,
जग, जाकी छाँह छुएँ सहमत ब्याध-बाघको।
पातक-पुहुमि पालिबेको सहसाननु सो,
काननु कपटको , पयोधि अपराधको।
तुलसी-से बामको भो दाहिनो दयानिधानु,
सुनत ललित-ललामु कियो लखानिको,
बड़ो क्रूर कायर कपूत-कौड़ी आधको।।
